ھىجرىيە: | مىلادىي: 30 Ekim 2020

چىكىنىڭ
ئامېرىكا ئاۋام پالاتاسى كېلەر ھەپتە ئۇيغۇرلارنى مەجبۇرىي ئەمگەككە سېلىشقا دائىر ئىككى قانۇن لايىھەسىگە قاراپ چىقىدۇ

ئامېرىكا ئاۋام پالاتاسى كېلەر ھەپتە ئۇيغۇرلارنى مەجبۇرىي ئەمگەككە سېلىشقا دائىر ئىككى قانۇن لايىھەسىگە قاراپ چىقىدۇ

ئامېرىكا ئاۋام پالاتاسى كېلەر ھەپتە ئۇيغۇرلارنى مەجبۇرىي ئەمگەككە سېلىشقا دائىر ئىككى قانۇن لايىھەسىگە قاراپ چىقىدۇ.

ئامېرىكا ئاۋام پالاتاسىنىڭ باشلىقى نەنسى پېلوسىنىڭ 18- سىنتەبىر ئېيتىشىچە، ئاۋام پالاتاسى كېلەر ھەپتە شەرقىي تۈركىستاندىكى مەجبۇرىي ئەمگەككە مۇناسىۋەتلىك ئىككى قانۇن لايىھىسىگە قاراپ چىقىدۇ، ئۇلارنىڭ بىرى مەجبۇرىي ئەمگەك ئارقىلىق ئىشلەپچىقىرىلغان مەھسۇلاتلارنى ئىمپورت قىلىشنى چەكلەيدۇ، يەنە بىرى بازاردىكى ئامېرىكا شىركەتلىرىدىن تەمىنلەش زەنجىرىنى ئاشكارىلاشنى تەلەپ قىلىدۇ. 

پېلوسى جۈمە كۈنىدىكى قەرەللىك مۇخبىرلارنى كۈتۈۋېلىش يىغىنىدا مۇنداق دېدى: «ئەگەر بىز سودا مەنپەئەتى سەۋەبلىك خىتاينىڭ كىشىلىك ھوقۇق مەسىلىسىنى سۆزلەشنى رەت قىلساق، ئامېرىكا دۇنيانىڭ ھەر قانداق يېرىدە كىشىلىك ھوقۇق مەسىلىسى ھەققىدە سۆزلەش ئەخلاقىي نوپۇزىدىن مەھرۇم قالىدۇ». ئۇ ئۆزىنىڭ 30 يىلدىن كۆپرەك ۋاقىتتىن بۇيان خىتاينىڭ سودا ۋە كىشىلىك ھوقۇق مەسىلىسىنى تەنقىد قىلىپ كەلگەنلىكىنى ئېيتتى.

بۇنىڭدىن ئىلگىرى، ئامېرىكا دۆلەت بىخەتەرلىك مىنىستىرلىكىنىڭ تاموژنا ۋە چېگرا قوغداش ئىدارىسى 14-چېسلا مەجبۇرىي ئەمگەككە چېتىشلىق خىتاي مەھسۇلاتلىرىغا قارىتا بەش تۈرلۈك ۋاقىتلىق تۇتۇپ قېلىش بۇيرۇقى چىقارغانلىقىنى ئېلان قىلدى.

ئىگىلىنىشچە، پېلوسى تىلغا ئالغان ئىككى قانۇن لايىھىسىنىڭ بىرى بۇ يىل مارتتا ئاۋام ۋە كېڭەش پالاتاسىدىن ئوندىن ئارتۇق پارلامېنت ئەزاسى ئوتتۇرىغا قويغان «ئۇيغۇرلارنى مەجبۇرىي ئەمگەككە سېلىشنىڭ ئالدىنى ئېلىش قانۇن لايىھىسى» بولۇپ، پارلامېنت ئەزالىرى قاراپ چىقىدىغان يەنە بىر قانۇن لايىھىسى بولسا «مەجبۇرىي ئۇيغۇر ئەمگەكچىلەرنى ئاشكارىلاش قانۇنى» ئىكەن.

ئۇنىڭدىن باشقا، ئۇ يەنە جۇمھۇرىيەتچىلەر پارتىيىسىنىڭ كونتروللۇقىدىكى كېڭەش پالاتاسىنى بۇ يىل 1-ئايدا ئاۋام پالاتاسى ماقۇللىغان «تىبەت سىياسىتى ۋە قوللاش قانۇن لايىھىسى»گە قايتا قاراپ چىقىشقا چاقىردى. 

خىتاينىڭ شەرقىي تۈركىستاندا كەڭ كۆلەملىك يىغىۋېلىش لاگىرى قۇرۇپ چىقىشى ۋە لاگىردىكى تۇتقۇنلارنى ئۆز ئىچىگە ئالغان نۇرغۇن كىشىنى مەجبۇرىي ئەمگەككە سېلىشى خەلقئارادا تەنقىدكە ئۇچرىماقتا. 

ئامېرىكىدا پرېزىدېنت سايلىمى بىلەن ئاۋام ۋە كېڭەش پالاتاسى سايلىمىنىڭ تەڭ يېقىلاپ كېلىشىگە ئەگىشىپ، ترامپ ھۆكۈمىتى ۋە جۇمھۇرىيەتچىلەر پارتىيىسى بىلەن دېموكراتچىلار پارتىيسى ۋە پرېزىدېنت نامزاتى بايدىن خىتاي سىياسىتى مەسىلسىىدە بىر بىرىگە بولغان بېسىمنى كۈچەيتمەكتە. 

ئۆتكەن ئايدا، جوۋ بايدىننىڭ سايلام ئەترىتى خىتاينىڭ ئۇيغۇر سىياسىتىنى «ئىرقىي قىرغىنچلىق» دەپ ئىتىراپ قىلغانلىقىنى ئىلان قىلدى. 

كېڭەش پالاتاسىدىكى دېموكراتلار پارتىيىسى ئەزالىرى بېيجىڭنىڭ تەھدىتى، خىرىسى ۋە رىقابىتىگە تاقابىل تۇرۇش ئۈچۈن، 17- سىنتەبىر ھازىرغىچە ئەڭ ئومۇمىيۈزلۈك بولغان خىتاي ئىستراتېگىيەسى قانۇن لايىھەسى - «ئامېرىكا رەھبەرلىك قانۇنى» (The America LEADS Act) نى ئوتتۇرىغا قويدى.

بۇ قانۇن پرېزىدېنت، سودا مىنىستىرى ۋە مالىيە مىنىستىرىدىن دوكلات سۇنۇپ، ئېنىق بىلىپ تۇرۇپ خىتايدا مەجبۇرىي ئەمگەك بىلەن شۇغۇللانغان ياكى ئۇنىڭغا ياردەم بەرگەن شەخسلەرنى ئېنىقلاش ۋە ئۇلارغا جازا يۈرگۈزۈشنى تەلەپ قىلىش، بۇ ئارقىلىق ئۇيغۇرلارنىڭ زىيانكەشلىككە ئۇچرىشىنىڭ ئالدىنى ئېلىش قاتارلىق مەزمۇنلارنى ئۆز ئىچىگە ئالىدۇ. بۇ قانۇن لايىھىسىدە يەنە ئۇيغۇر ئاپتونوم رايونىدا زىيانكەشلىككە ئۇچرىغان ئۇيغۇر ۋە باشقا مۇسۇلمان ئاز سانلىقلارغا، شۇنداقلا زىيانكەشلىك ۋە تەھدىتكە ئۇچرىغان خوڭكوڭ ئاھالىلىرىگە ئامېرىدا مۇساپىرلىق سالاھىيىتى بېرىش ئوتتۇرىغا قويۇلغان. 

http://turkistantimes.com/uy/news-13567.html

خەۋەرلەر

باشقا خىزمەتلەر